بلوچستان میں پہلی بار تاریخ ساز کھلی کچہریاں؛ 600 سے زائد خواتین شریک

بلوچستان میں پہلی بار تاریخ ساز کھلی کچہریوں میں 600 سے زائد خواتین شریک ہوئی ہیں۔ صوبے میں خواتین کی خودمختاری اور ان کے مسائل کے حل کے لیے اہم اقدام کرتے ہوئے پہلی مرتبہ 3 اضلاع میں خواتین کے لیے کھلی کچہریوں کا انعقاد کیا گیا، جن میں 600 سے زائد خواتین نے شرکت کی۔ ایف سی بلوچستان اور ضلعی انتظامیہ کے باہمی تعاون سے صوبے کے 3 اضلاع صحبت پور، سبی اور ہرنائی میں خواتین کے لیے خصوصی کھلی کچہریاں منعقد کی گئیں۔ ان نشستوں میں شریک خواتین نے اپنے بنیادی حقوق، تعلیم، صحت، روزگار اور دیگر مسائل کو اجاگر کیا۔ کھلی کچہریوں کے انعقاد کا مقصد خواتین کو درپیش مسائل سامنے لانا اور ان کے حل کے لیے متعلقہ اداروں سے رابطہ فراہم کرنا تھا۔ کھلی کچہریوں کے دوران متعلقہ اداروں نے خواتین کو درپیش تمام مسائل کے فوری حل کے لیے عملی اقدامات کرنے کی یقین دہانی کرائی۔ بلوچستان کے 3 اضلاع میں پہلی مرتبہ خواتین کے لیے کھلی کچہریوں کے انعقاد کو خواتین کی خودمختاری، باوقار مستقبل اور ان کے حقوق کے تحفظ کی جانب ایک اہم پیشرفت قرار دیا گیا ہے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل