پشاور سمیت خیبرپختونخوا میں ایل پی جی کی فی کلو قیمت 650 روپے کی بلند ترین سطح پر پہنچ گئی

پشاور سمیت خیبرپختونخوا میں ایل پی جی کا بحران شدت اختیار کرگیا اور ایل پی جی کی فی کلو قیمت 650 روپے کی بلند ترین سطح پر پہنچ گئی۔ ایکسپریس نیوز کے مطابق اوگرا کی جانب سے اکتوبر کیلیے مقرر کردہ 280 روپے فی کلو ایل پی جی کی قیمت کے باوجود خیبرپختونخوا میں من مانی قیمت پر گیس کی فروخت جاری ہے۔ خیبرپختونخوا میں فی  کلو ایل پی کی قیمت بلند ترین سطح  650 روپے تک پہنچ گئی ہے  جبکہ گھریلو سلنڈر کی قیمت بھی 6 ہزار روپے سے تجاوز کر گئی۔ حکومت نے بھی ازخود قیمتوں میں اضافے پر چپ سادھ لی ہے۔ مکینوں کا کہنا ہے کہ پشاور سمیت خیبرپختونخوا میں جہاں قدرتی گیس میسر نہیں اور لوگ گیس سلینڈر استعمال کرنے پر موجود ہیں وہی ایل پی جی کی بڑھتی قیمتوں نے شہریوں کو پریشان کردیا ہے۔ قیمتوں میں من مانے اضافے کے بعد باعث گھریلو صارفین کو گیس کے حصول کے لیے بھاری رقم خرچ کرنا پڑ رہی ہے اور شہر میں گھریلو سلنڈر 6 ہزار روپے سے زائد میں فروخت ہو رہا ہے۔ پشاور سمیت خیبرپختونخوا کے مختلف علاقوں میں گیس لوڈشیڈنگ میں اضافے کے باعث شہریوں کو مشکلات کا سامنا ہے۔ شہریوں کو ایک جانب گیس کے بل ادا کرنا پڑ رہے ہیں تو دوسری جانب گیس کی قلت کے باعث مہنگی ایل پی جی خریدنے پر بھی رقم خرچ کرنا پڑ رہی ہے، جس سے ان کے گھریلو بجٹ پر اضافی بوجھ پڑ رہا ہے۔ کئی شہروں میں ایل پی جی کی بلند قیمتوں کے باعث شہریوں کو گھریلو ضروریات پوری کرنے کے لیے اضافی اخراجات برداشت کرنا پڑ رہے ہیں، جبکہ گیس کی لوڈشیڈنگ اور مہنگی ایل پی جی نے عام صارفین کی مشکلات میں مزید اضافہ کر دیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل