ورون دھون اور کریتی سینن نے ہالی ووڈ فلم ’اوبسیشن‘ کی ہندی ڈبنگ مکمل کر لی

بالی ووڈ اداکار ورون دھون اور کریتی سینن ایک بار پھر ساتھ کام کرنے جا رہے ہیں۔ دونوں اداکاروں نے ہالی ووڈ کی ہارر فلم ’اوبسیشن‘ کے ہندی ورژن کے مرکزی کرداروں کے لیے ڈبنگ کی ہے۔ ہدایت کار کری بارکر کی یہ فلم 30 اکتوبر کو جیو ہاٹ اسٹار کے پیکاک ہب پر انگریزی اور ہندی زبانوں میں ریلیز ہو گی۔         View this post on Instagram                       فلم کی کہانی ایک شرمیلے نوجوان بیئر کے گرد گھومتی ہے جو اپنی پسندیدہ لڑکی نکی کی محبت حاصل کرنے کے لیے ایک پراسرار چیز کی مدد لیتا ہے۔ تاہم اس کی خواہش اس وقت خوفناک موڑ اختیار کر لیتی ہے جب نکی کی محبت خطرناک جنون میں بدل جاتی ہے۔ ہندی ورژن میں ورون دھون نے بیئر جبکہ کریتی سینن نے نکی کے کردار کو آواز دی ہے۔ واضح رہے کہ دونوں اس سے قبل 2022 کی ہارر کامیڈی فلم ’بھیڑیا‘ میں ایک ساتھ کام کر چکے ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل