’آپ کون ہیں؟، میں ٹھیک ہوں‘، افتخار احمد کی امریکی انفلوئنسر کو انٹرویو کی ویڈیو وائرل

پاکستانی کرکٹر افتخار احمد نیپال میں ایک امریکی خاتون کرکٹر کے ساتھ دلچسپ اور قدرے غیر متوقع صورتحال کے باعث سوشل میڈیا پر توجہ کا مرکز بن گئے ہیں۔ اس واقعے کی ویڈیو انٹرنیٹ پر تیزی سے وائرل ہورہی ہے جس پر صارفین مختلف انداز میں تبصرے اور دلچسپ رد عمل دے رہے ہیں۔ وائرل ویڈیو میں دیکھا جا سکتا ہے کہ افتخار احمد ’امریکن کرکٹ گرل‘ کے نام سے مشہور سوشل میڈیا انفلوئنسر کے ساتھ موجود تھے۔ لڑکی نے اپنا تعارف کروانے کے بعد افتخار احمد سے سوال کیا کہ ’آپ کون ہیں‘ جس پر انہوں نے جواب دیا ’میں ٹھیک ہوں‘۔ انفلوئنسر نے اپنے انسٹاگرام پر پوسٹ کی گئی ویڈیو کے کیپشن میں لکھا کہ تعارف کی ضرورت نہیں، ان کی نوجوان ٹی ٹوئنٹی بیٹرز کے لیے نصیحت پر غور کریں۔         View this post on Instagram                       افتخار احمد کا کہنا تھا کہ نوجوان بیٹرز کو فٹنس اور پاور ہٹنگ کو بہتر کرنے پر توجہ دینی چاہیے۔ افتخار احمد کے اس غیر متوقع لمحے کو سوشل میڈیا صارفین خوب انجوائے کررہے ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل