جان سینا کی ڈبلیو ڈبلیو ای میں واپسی، مداحوں کے لیے بڑا اعلان!

ورلڈ ریسلنگ انٹرٹینمنٹ (ڈبلیو ڈبلیو ای) کے معروف ریسلر اور 17 مرتبہ ورلڈ چیمپئن رہنے والے جان سینا نے دو نومبر کو منڈے نائٹ را میں واپسی کے بعد اپنے نام سے منسوب نئے ایونٹ ’جان سینا کلاسک‘ کی تفصیلات کا اعلان کر دیا۔ یہ ٹورنامنٹ موجودہ ڈبلیو ڈبلیو ای سپر اسٹارز اور مستقبل کے ابھرتے ہوئے ریسلرز کے درمیان مقابلوں پر مشتمل ہوگا۔ تاہم، اس وقت ایونٹ کے حوالے سے مزید تفصیلات سامنے نہیں آئی تھیں۔ بروکلین، نیویارک میں شائقین کی جانب سے پرتپاک استقبال کے بعد جان سینا نے اپنے اعلان کو تین حصوں میں تقسیم کیا۔ ایونٹ کب اور کہاں ہوگا؟ جان سینا کے اعلان کے مطابق ’جان سینا کلاسک‘ 14 دسمبر کو ڈبلیو ڈبلیو ای را کی ایک خصوصی قسط کے طور پر منعقد ہوگا۔ اس روز را کی دو اقساط نشر ہوں گی جن میں سے ایک پہلے آسٹریلیا کے شہر پرتھ سے نشر کی جائے گی جبکہ خصوصی ایونٹ امریکی ریاست فلوریڈا کے شہر اورلینڈو میں واقع والٹ ڈزنی ورلڈ میں ہوگا۔ فی الحال ایونٹ کے مخصوص مقام کا اعلان نہیں کیا گیا۔ فاتح کو کیا انعام ملے گا؟ جان سینا نے دوسرے اعلان میں بتایا کہ ٹورنامنٹ جیتنے والے ریسلر کو نئی چیمپئن شپ بیلٹ ڈبلیو ڈبلیو ای ’جان سینا چیمپئن شپ‘ دی جائے گی جس کی رونمائی بھی انہوں نے خود کی۔ نئی بیلٹ کا ڈیزائن جان سینا کی ماضی کی مشہور اسپنر چیمپئن شپ بیلٹ سے ملتا جلتا ہے۔ تاہم، یہ بیلٹ گھومنے والی نہیں ہے۔ جان سینا نے مزید بتایا کہ کلب ڈبلیو ڈبلیو ای کے سبسکرائبرز کو بھی ٹورنامنٹ کے فاتح کے انتخاب میں رائے دینے کا موقع ملے گا۔ کوڈی روڈز ٹورنامنٹ کے پہلے ریسلر نامزد تیسرے اعلان میں جان سینا نے بتایا کہ اس ایونٹ میں ڈبلیو ڈبلیو ای کے مین روسٹر کے سپر اسٹارز کا مقابلہ این ایکس ٹی کے ریسلرز سے ہوگا۔ انہوں نے اعلان کیا کہ اس ہفتے این ایکس ٹی میں شرکت کے دوران وہ ان ابھرتے ہوئے ریسلرز کے ناموں کا اعلان کریں گے جو ٹورنامنٹ میں حصہ لیں گے لیکن ٹورنامنٹ میں شرکت کرنے والے پہلے ریسلر کے طور پر کوڈی روڈز کے نام کا اعلان کیا گیا جبکہ مین روسٹر کے دیگر سپر اسٹارز کے نام آنے والے ہفتوں میں سامنے لائے جائیں گے جن میں ہیوسٹن، ٹیکساس میں ہونے والے سروائیور سیریز ایونٹ کے دوران بھی اعلانات متوقع ہیں۔ یاد رہے کہ جان سینا نے مئی 2026 میں ڈبلیو ڈبلیو ای بیک لیش کے موقع پر خصوصی شرکت کرتے ہوئے اس نئے ایونٹ کا اعلان کیا تھا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل