خیبرپختونخوا؛ ضلع ٹانگ سے اغوا دو پولیو رضاکار بازیاب

خیبرپختونخوا کے ضلع ٹانک سے اغوا کیے گئے دو پولیو رضاکار بازیاب کرالیے گئے جبکہ مزید دو ارکان کی بازیابی تاحال نہیں ہوسکی۔ ضلع ٹانک کے ایریا ڈیولپمنٹ سیکریٹریٹ (اے ڈی ایس) کے مطابق مغوی پولیو رضاکار بازیاب ہوگئے ہیں، بازیاب ہونے والوں میں عمیر اور ثاقب شامل ہیں۔ انہوں نے کہا کہ باقی دو رضاکاروں قدیر اور عثمان کی بازیابی کے لیے کوششیں جاری ہیں۔  اے ڈی ایس کا کہنا تھا کہ بازیابی کا عمل امن جرگہ اور ضلعی انتظامیہ کی مشترکہ کوششوں سے ممکن ہوا۔ یاد رہے کہ 2 نومبر کو ضلع ٹانک کے علاقے شیخ اتار کے گاؤں جیوس میں نامعلوم مسلح افراد نے 4 پولیو رضاکاروں کو فائرنگ کے بعد اغوا کیا تھا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل