سندھ طاس معاہدے پر سماعت، انڈس واٹر کمشنر ویانا پہنچ گئے

وفاقی وزیر آبی وسائل میاں محمد معین وٹو نے کہاکہ انڈس واٹر کمیشن پر بھارت کی جانب سے ہٹ دھرمی کا مظاہرہ کیا جارہاہے۔ پاکستان نے پہلے ہی انڈس واٹرکمشنر کی جانب سے نیدرلینڈ میں مصالحتی عدالت میں کیس جیت لیا ہے اور اس سلسلہ میں ویانا میں نیوٹرل ایکسپرٹ کے پاس سماعت ہوگی۔ ان خیالات کا اظہار انھوں نے ایکسپریس نیوز سے گفتگو کرتے ہوئے کیا۔ انھوں نے کہاکہ یہ بھارت کو الٹی میٹم ہے کہ وہ پاکستان کا موقف تسلیم کرے ورنہ آئندہ دنوں میں مشکلات پیدا ہوجائیں گی۔ انڈس واٹر معاہدے پر عملدرآمد سے متعلق معاملے کو اقوام متحدہ میں بھی پھر اٹھایاجائے گا،بھارتی جارحیت زیادہ دیر نہیں چلے گی معاہدے پر عمل درآمد کرنا  ضروری ہے۔ سردیاں آنے کی وجہ سے پانی کی قلت ہے،بھارت نے ابھی پانی نہیں روکا۔ ذرائع کے مطابق پاکستان کے انڈس واٹر کمشنر سید محمد مہر علی شاہ ویانا پہنچ گئے ہیں۔ بھارت کے کشن گنگا اور رتلے ہائیڈرو پاور منصوبوں کے ڈیزائن سے متعلق پاکستان کو خدشہ ہے کہ ان میں پانی ذخیرہ اور اخراج کرنے کا نظام چناب اور دیگر مغربی دریائوں کے بہائو پر اثرانداز ہوسکتا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل