Loading
راشد منہاس روڈ پر جوہر موڑ فلائی اوور کے قریب کار کی ٹکر سے شدید زخمی ہونے والے 70 سالہ بزرگ شہری شاہین مرزا 20 روز بعد دوران علاج دم توڑ گیا۔
اہلخانہ کے مطابق حادثے کے روز ان کی موٹر سائیکل بھی چھین لی گئی تھی اور وہ ایف آئی آر کٹوانے کے لیے شارع فیصل تھانے جانے کی غرض سے پبلک ٹرانسپورٹ کا انتظار کر رہے تھے۔
اہلخانہ کے مطابق شاہین مرزا جوہر موڑ کے علاقے سنی پرائڈ کے رہائشی تھے۔ وہ تھانے جانے کے لیے جوہر موڑ فلائی اوور کے قریب کھڑے تھے کہ اسی دوران کار سوار خاتون نے انہیں ٹکر مار دی، جس کے نتیجے میں ان کے سر پر شدید چوٹیں آئیں اور انہیں اسپتال منتقل کیا گیا، جہاں وہ دوران علاج دم توڑ گئے۔
حادثے کا مقدمہ شارع فیصل تھانے میں بزرگ شہری کی بھتیجی قرۃ العین کی مدعیت میں درج ہے، جس میں کار سوار خاتون ڈاکٹر عائشہ زاہد کو نامزد کیا گیا ہے۔
حادثے کے بعد خاتون کی شہریوں اور ٹریفک پولیس اہلکاروں سے الجھنے کی ویڈیو بھی سوشل میڈیا پر وائرل ہوئی تھی۔
اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔
مزید تفصیل