Loading
گلگت بلتستان کو ملک کے دیگر حصوں سے ملانے والی اہم شاہراہ قراقرم اپر کوہستان کے مقام چوچنگ میں شدید لینڈ سلائیڈنگ کے باعث گزشتہ تین روز سے ہر قسم کی ٹریفک کے لیے مکمل طور پر بند ہے، جس کے باعث گلگت بلتستان سے ملک بھر کا زمینی رابطہ منقطع ہے۔
ایکسپریس نیوز کے مطابق اپر کوہستان میں شاہراہ قراقرم کی بندش سے دونوں اطراف سیکڑوں گاڑیوں میں سوار ہزاروں مسافر، سیاح اور مال بردار ٹرانسپورٹ پھنس کر رہ گئی ہے۔
شاہراہ قراقرم میں گزشتہ شب پہاڑ سے بھاری مقدار میں مٹی، پتھر اور چٹانیں سڑک پر گرنے کے باعث صورت حال مزید سنگین ہو گئی ہے، مسلسل لینڈ سلائیڈنگ کے خدشے کے باعث بحالی کے کام میں بھی مشکلات پیش آ رہی ہیں اور تین روز گزرنے کے باوجود شاہراہ پر ٹریفک بحال نہیں ہو سکی۔
اس حوالے سے بتایا گیا کہ متعلقہ اداروں کی جانب سے شاہراہ کی بحالی کے لیے کارروائیاں جاری ہیں اور بھاری مشینری کے ذریعے متاثرہ مقام کے دونوں اطراف سے مٹی، پتھر اور دیگر ملبہ ہٹانے کا کام کیا جا رہا ہے تاہم پہاڑ سے مزید تودے اور پتھر گرنے کے خدشے کے باعث بحالی کی کارروائیوں میں مشکلات کا سامنا ہے۔
اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔
مزید تفصیل