پولیس پارٹی پر فائرنگ؛ پی ٹی آئی  کے سابق صوبائی وزیر کیخلاف مقدمے کا ٹرائل شروع

  پی ٹی آئی کے سابق صوبائی وزیر کے خلاف پولیس پارٹی پر فائرنگ کے مقدمے کا ٹرائل شروع ہوگیا۔   انسداد دہشت گردی کی خصوصی عدالت میں پولیس پارٹی پر فائرنگ کیس کی سماعت ہوئی، جس میں عدالت نے پی ٹی آئی رہنما اور سابق صوبائی وزیر کامران بنگش کے خلاف مقدمے کا ٹرائل شروع ہوگیا۔ عدالت نے کامران بنگش کو نوٹس جاری  کرتے ہوئے مزید سماعت 15 نومبر تک ملتوی کردی۔   پراسیکیوشن کے مطابق تھانہ چمکنی پولیس نے پی ٹی آئی کے روپوش رہنما مراد سعید کی گرفتاری کے لیے کامران بنگش کے حجرے پر چھاپا مارا تھا، اس دوران کامران بنگش اور دیگر ساتھیوں نے پولیس پارٹی فائرنگ کی تھی، جس سے 2  پولیس اہلکار زخمی ہوگئے تھے۔   واقعہ 20 دسمبر 2023 کو پیش آیا تھا۔ جس کے بعد پولیس نے کامران بنگش اور دیگر کے خلاف دہشت گردی کا مقدمہ درج کیا تھا، جس پر آج سماعت کرتے ہوئے  عدالت نے کامران بنگش کے خلاف ٹرائل شروع کردیا ہے۔   عدالت نے کامران بنگش کو نوٹس جاری کرکے مقدمے کی مزید سماعت 15 نومبر تک ملتوی کردی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل