بلاک بسٹر سیریز ’لارڈ آف دی رِنگز‘ کے مداحوں کیلئے بڑی خبر آگئی

مشہور فلم سیریز ’لارڈ آف دی رِنگز‘ کی نئی اینیمیشن فلم ’دی وار آف دی رہیرم‘ 13 دسمبر کو سینما گھروں میں پیش کی جائے گی۔ یہ فلم جے آر آر ٹولکین کی خیالی دنیا میں جنگجو انسانوں کی کہانی پر مبنی ہے اور جاپانی اینیمیشن کے منفرد انداز میں بنائی گئی ہے۔ یہ فلم لارڈ آف دی رِنگز کی کہانی سے تقریباً دو صدی پہلے کی دنیا دکھاتی ہے، جس میں نہ کوئی جادوئی انگوٹھی ہے، نہ ہی کوئی خوفناک ڈارک لارڈ۔ فلم کی ہدایتکاری جاپانی ڈائریکٹر کینجی کامیاما نے کی ہے، جو پہلے اسٹار وارز اور بلیڈ رنر جیسے پروجیکٹس پر کام کر چکے ہیں۔ کامیاما نے کہا، "یہ فلم انسانی ڈرامے اور جذبات پر مبنی ہے، جس میں لالچ اور طاقت کا پہلو نمایاں ہے۔" فلم کی کہانی ٹولکین کی کتابوں میں ایک مختصر بیان سے اخذ کی گئی ہے، جو ایک بادشاہ اور باغی نواب کے درمیان خانہ جنگی کی عکاسی کرتی ہے۔ فلم کی کہانی ایک پرنسس کے گرد گھومتی ہے، جسے ٹولکین نے اپنی تفصیلات میں نام بھی نہیں دیا تھا۔ پروڈیوسر فلپا بوائنس نے اس کردار کو وسعت دی اور اسے ایک حقیقی اور غلطیاں کرنے والی کردار کے طور پر پیش کیا۔ فلم میں روہان کی بادشاہت اور ہیلمز ڈیپ جیسے مشہور مقامات کو دوبارہ زندہ کیا گیا ہے، جو پہلے لارڈ آف دی رِنگز کی فلم ’دی ٹو ٹاورز‘ میں دیکھے گئے تھے۔ فلم میں جاپانی اینیمیشن کی طرز پر عزت، وفاداری، اور غرور جیسے موضوعات کو اجاگر کیا گیا ہے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل