کراچی میں پیر کو اسکول اور کالج کھلے رہیں گے

کراچی میں 16 دسمبر بروز پیر اسکول اور کالج کھلے رہیں گے۔  آل سندھ پرائیویٹ اسکولز اینڈ کالجز ایسوسی ایشن کے اعلان کے مطابق کل بروز پیر 16 دسمبر سندھ بھر کے تمام نجی تعلیمی ادارے معمول کے مطابق کھلے رہیں گے۔ ایسوسی ایشن کے مطابق اسکولوں اور کالجوں میں سانحہ اے پی ایس کی یاد میں خصوصی تقریبات منعقد کی جائیں گی  جن میں حصول علم کی راہ میں جانوں کا نذرانہ پیش کرنے والے تمام طلبہ و طالبات اور اساتذہ کو خراج تحسین پیش کیا جائے گا۔ تعلیمی اداروں میں  بانی پاکستان قائداعظم محمد علی جناح کے فرمان کے مطابق ’تعلیمی ترقی ہی قوم کے لئے زندگی اور موت کا معاملہ ہے‘ کے عنوان سے تجدید عہد کیا جائے گا۔ 

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل