امریکا؛ گھر پر خلائی کچرا گرنے پر اہل خانہ کا ناسا کیخلاف ہرجانے کا دعویٰ

امریکی ریاست فلوریڈا کے ایک خاندان نے گھر پر خلائی مشن کے ٹکڑے گرنے پر خلائی ادارے ناسا سے ہرجانے کا مطالبہ کردیا۔

امریکی نشریاتی ادارے کے مطابق رواں برس کے آغاز میں ریاست فلوریڈا کے ایک گھر پر خلائی کچرے کا 1.6 پاؤنڈ وزن کے دھاتی ٹکڑے گرنے سے گھر کی چھت پر سوراخ ہوگیا۔

اہل خانہ خوش قسمتی سے محفوظ رہے تاہم گھر کے مالک کا بیٹا معمولی زخمی ہوگیا۔ مالی نقصان اور ذہنی اذیت پر اہل خانہ نے ناسا پر ہرجانے کا دعویٰ دائر کردیا۔

متاثرہ خاندان کے وکیل کا کہنا ہے کہ خلائی ٹریفک میں اضافے کے باعث خلائی کچرا بڑھتا جارہا ہے اور یہ شہریوں کی جان اور مال کے لیے ایک سنگین خطرہ بن گیا ہے۔

ناسا کا کہنا ہے کہ بین الاقوامی خلائی اسٹیشن میں نئی لیتھیم آئن بیٹریاں لگنے کے بعد تقریباً 5800 پاؤنڈ وزنی ہارڈ ویئر خلا میں پھینکا گیا تھا اور ممکنہ طور پر یہ ٹکڑے بھی اسی کا حصہ تھے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل