مودی کا دورۂ یورپ یا ہزیمت کا سفر؟ عالمی سطح پر مودی کی سفاکیت بے نقاب

محض سیاسی تشہیر کے لیے جاری مودی کے دورۂ یورپ نے دنیا بھر کے سامنے بھارت کا سفاک چہرہ عیاں کر دیا۔ نیدرلینڈ کے وزیراعظم نے بھارت میں اقلیتوں کے حقوق، آزادیٔ صحافت اور قانون شکنی پر مودی کو آئینہ دکھا دیا۔ نیدرلینڈ میڈیا کے مطابق، ڈچ وزیراعظم سمیت یورپی یونین کو بھارت میں ہندو قوم پرست جماعت بی جے پی کے دورِ حکومت پر سخت تشویش ہے۔ بھارتی جریدے دی وائر کے مطابق، ڈچ وزیراعظم نے کہا کہ بھارت میں آزادیٔ صحافت اور اقلیتوں کے حقوق، بالخصوص مسلمانوں پر شدید دباؤ ہے۔ ڈچ وزیراعظم کے مطابق، یورپی یونین اور بھارت کو آزاد تجارتی معاہدے کے تحت بھارت میں انسانی حقوق اور جمہوریت پر بھی بات کرنا ہوگی۔ مودی کے دورے کے دوران نیدرلینڈ کی شہری انسیہ کا اغوا کیس بھی ڈچ میڈیا میں نمایاں اہمیت کا حامل رہا۔ ناروے میں بھی مودی اور اعلیٰ بھارتی عہدیدار عالمی میڈیا کے بھارت میں انسانی حقوق سے متعلق سنگین سوالات کے جواب دینے سے کتراتے دکھائی دیے۔ عالمی ماہرین کے مطابق، بھارت کو درپیش سخت چیلنجز کے دوران محض سیاسی اور ذاتی مفاد کے لیے جاری مودی کے دورۂ یورپ میں انہیں سخت ہزیمت کا سامنا ہے۔ عالمی سطح پر بھارت میں سیاسی اور انسانی حقوق سے متعلق اٹھنے والے سنگین سوالات مودی کے سیاہ ترین دورِ اقتدار پر طمانچہ قرار دیے جا رہے ہیں۔ مودی کا دورہِ یورپ یا ہزیمت کا سفر؟ عالمی سطح پر مودی کی سفاکیت بے نقاب سیاسی تشہیر کیلئے جاری مودی کے دورہِ یورپ نے بھارت کا سفاک چہرہ عیاں کر دیا، نیدرلینڈز کے وزیرِاعظم نے بھارت میں اقلیتوں کے حقوق، آزادیِ صحافت اور قانون شکنی پر مودی کو آئینہ دکھا دیا،ڈچ وزیرِاعظم سمیت… pic.twitter.com/tNUQ3jUJ59 — PTV News (@PTVNewsOfficial) May 19, 2026  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل