ٹرمپ کے بیان سے بالکل بھی حیران نہیں ہوا، عامر الیاس رانا

تجزیہ کار عامر الیاس رانا کا کہنا ہے کہ پہلی بات تو یہ ہے کہ میں ڈونلڈ ٹرمپ کے بیان سے بالکل بھی حیران نہیں ہوا۔ ایکسپریس نیوز کے پروگرام اسٹیٹ کرافٹ میں گفتگو کرتے ہوئے انھوں نے کہا کہ ان کی آج بھی توقعات ڈونلڈ ٹرمپ سے ہیں کہ ان کو لیڈر کو رہا کرائیں گے، ٹرمپ نے وہی کچھ کیا جو اس کی پہلے دن سے پالیسی تھی۔ تجزیہ کار شوکت پراچہ نے کہاکہ میں ان خطرات پر بات کرنا چاہتا ہوں جو ڈونلڈ ٹرمپ کے غزہ پر قبضے کے بیان کے بعد منڈلا رہے ہیں، میں آج ضرور خراج تحسین پیش کرتا ہوں سعودی عرب کی لیڈر شپ کو کہ جیسے ٹرمپ کی طرف سے یہ اعلان ہوا تو سعودی عرب کی فارن منسٹری نے باقاعدہ اعلامیہ جاری کردیا۔ ایک سوال کے جواب میں انھوں نے کہا کہ مجھے شک ہے کہ مولانا فضل الرحمن پی ٹی آئی کی ویگن پر بیٹھ جائیں۔ تجزیہ کار امیر عباس نے کہا کہ ایک سینئر جرنسلٹ شاہد الرحمن نے پاک امریکا تعلقات پر بڑی زبردست کتاب لکھی ہے پاکستان کی خودمختاری ختم، ڈونلڈ ٹرمپ ایک غیر یقینی شخص ہے، آپ اس سے کسی اچھی چیز کی بھی توقع کر سکتے ہیں اور کسی بری چیز کی بھی توقع کر سکتے ہیں، اپوزیشن کی بیٹھک کے حوالے سے سوال پر ان کا کہنا تھا آپ نے بالکل بجا فرمایا کہ اس حکومت کیخلاف عدم اعتماد کا ووٹ لانا چاہیں تو یہ نہیں لا سکتے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل