روسی وزیرِ ٹرانسپورٹ نے برطرفی کے چند گھنٹوں بعد خودکشی کرلی

صدر پوٹن کی جانب سے برطرفی کے بعد روسی وزیرِ ٹرانسپورٹ رومن ستارویوت نے اپنے ہی ہاتھوں اپنی زندگی کا خاتمہ کرلیا۔ عالمی خبر رساں ادارے کے مطابق روسی تحقیقاتی کمیٹی نے بتایا کہ وزیر ٹرانسپورٹ کی لاش کے نواحی علاقے میں ایک گاڑی کے اندر ملی۔ روسی تحقیقاتی کمیٹی کا کہنا ہے کہ ابتدائی طور پر یہ خودکشی کا واقعہ معلوم ہوتا ہے۔ قبل ازیں صدارتی حکم نامے میں رومن ستارویوت کی برطرفی کا اعلان کیا گیا اور ان کے نائب آندرے نکیتن کو قائم مقام وزیر ٹرانسپورٹ مقرر کر دیا گیا۔ جب صحافیوں نے کریملن کے ترجمان دمتری پیسکوف سے برطرفی کی وجہ پوچھی تو انھوں نے اس بات سے انکار کیا کہ یہ فیصلہ اعتماد کے فقدان کی بنیاد پر کیا گیا تاہم انھوں نے کوئی اور وجہ بھی فراہم نہیں بتائی۔ روسی میڈیا کے مطابق وزیر ٹرانسپورٹ پر فوجی دفاعی تنصیبات کی تعمیر کے لیے مختص ریاستی فنڈز میں کرپشن کی تحقیقات جاری تھیں اور گرفتاری کا امکان تھا۔ ریاستی ٹی وی پروگرام ویستی، نیوز آؤٹ لیٹ آر بی سی اور اخبار کومرسانت نے رپورٹ کیا کہ ان پر گرفتاری کی تلوار لٹک رہی تھی۔ یاد رہے کہ رومن ستارویوت مئی 2024 میں وزیر ٹرانسپورٹ بننے سے قبل کورسک کے گورنر رہ چکے تھے۔ اُن کے پیشرو الیکسی سمرنوف جو ان کے نائب بھی رہ چکے ہیں اسی کرپشن کیس میں رواں سال اپریل میں گرفتار کیے گئے تھے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل