سونے اور چاندی کی قیمتوں  میں اچانک بڑا اضافہ ریکارڈ

عالمی اور مقامی مارکیٹوں میں سونے اور چاندی کی قیمتوں میں اچانک بڑا اضافہ ہوگیا۔ بین الاقوامی بلین مارکیٹ میں آج فی اونس سونے کی قیمت یکدم 100 ڈالر کے بڑے اضافے   کے بعد  5ہزار 278ڈالر فی اونس کی سطح پر آگئی ۔ دوسری جانب مقامی صرافہ بازاروں میں آج کاروباری ہفتے کے آخری روز 24 قیراط کے حامل فی تولہ سونے کی قیمت میں بھی 10ہزار روپے کا بڑا اضافہ ہوا، جس کے نتیجے میں نئی قیمت 5لاکھ 40ہزار 562روپے فی تولہ کی سطح پر آگئی۔ اسی طرح مقامی مارکیٹ میں فی 10 گرام سونے کی قیمت 8 ہزار 574روپے  بڑھ کر 4لاکھ 63ہزار 444روپے ہوگئی۔ دریں اثنا ملک میں فی تولہ چاندی کی قیمت 388 روپے کے اضافے سے 9ہزار 862 روپے  اور فی 10 گرام چاندی کی قیمت بھی 333روپے کے اضافے سے 8ہزار 455روپے کی سطح پر آگئی۔ واضح رہے کہ گزشتہ روز سونے کے نرخ مستحکم جب کہ چاندی کی قیمت میں اضافہ ہوا تھا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل