ایران جنگ: دبئی میں پراپرٹی مارکیٹ میں دراڑیں پڑنے لگیں

دبئی میں جائیدادوں کی قیمتوں میں اضافہ سالہا سال ہوتا ہے تاہم ایران جنگ کے تناظر میں اس میں کمی آرہی ہے۔ شہر پر ایرانی حملوں سے رہائشی اور تجارتی املاک کی قیمتوں میں شدید کمی آئی ہے اور ان لوگوں کی زندگی بھی متاثر ہوئی ہے جن کے معاش کا انحصار ان پر ہے۔ دبئی لینڈ ڈپارٹمنٹ کے اعداد و شمار کے مطابق پچھلے سال شہر میں 917 ارب درہم مالیت کی 270,000 سے زیادہ جائیدادوں کا کاروبار ہوا تاہم جب ایران نے خلیجی ممالک کے خلاف جوابی کارروائی کا آغاز کیا تو کاروبار کی یہ رفتار کم ہونا شروع ہوگئی ہے۔ کاروباری نیوز سائٹ اے جی بی آئی کے مطابق پچھلے مہینے کے مقابلے مارچ میں فروخت کے حجم میں تقریباً 30 فیصد کمی واقع ہوئی۔ اس کی وجہ اُن معاہدوں کی منسوخی اور تعطل ہے جو جنگ سے پہلے کیے گئے تھے۔ دوسری جانب جائیداوں سے متعلق نئے معاہدوں میں خریدار 30 تک کٹوتی کا مطالبہ کررہے ہیں۔ نیوز سائٹ کے مطابق دبئی میں تجارتی رئیل اسٹیٹ بھی جدوجہد کر رہا ہے۔ اسی طرح ہوٹلوں میں قیام معمول کے 90 فیصد سے کم ہو کر 23 فیصد رہ گیا ہے۔ انہی حالات کو دیکھتے ہوئے دبئی میں ہوٹلوں نے گاہگوں کیلئے کافی رعایات دینے کا فیصلہ کیا ہے جس کی ایک مثال پام جمیرہ ہے جہاں کچھ لگژری پراپرٹیز نے قیمتوں میں نصف تک کمی کر دی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل