لاہور، طالبات کو ہراساں کرنے کا واقعہ، سی سی ٹی وی نے اوباش کو بے نقاب کر دیا

اسلام پورہ کے علاقے میں طالبات کو ہراساں کرنے کا افسوسناک واقعہ سامنے آیا ہے جہاں موٹر سائیکل سوار اوباش نے مین روڈ پر دو طالبات کو نشانہ بنایا اور گلی تک تعاقب کرتے ہوئے چھیڑ خانی کی۔ پولیس کے مطابق ملزم واردات کے بعد موقع سے فرار ہوگیا تاہم واقعے کی سی سی ٹی وی فوٹیج حاصل کر لی گئی ہے جس میں ملزم کا چہرہ اور موٹر سائیکل واضح طور پر دیکھا جا سکتا ہے۔ حکام کا کہنا ہے کہ کیس کی تفتیش میں سی سی ڈی اور پولیس مشترکہ طور پر کام کر رہے ہیں اور جدید ٹیکنالوجی کی مدد سے ملزم کی شناخت کا عمل تیز کر دیا گیا ہے۔ واقعے کا مقدمہ متاثرہ طالبہ کے والد کی مدعیت میں درج کر لیا گیا ہے جبکہ ملزم کی گرفتاری کے لیے مختلف مقامات پر چھاپے مارے جا رہے ہیں۔ پولیس کا کہنا ہے کہ ملزم جلد قانون کی گرفت میں ہوگا جبکہ شہریوں میں اس واقعے کے بعد شدید تشویش پائی جا رہی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل