اقوامِ متحدہ میں پاکستان کی نمائندہ کا مسلح افواجِ اور پوری قوم کو خراجِ تحسین

اقوامِ متحدہ میں پاکستان کی نمائندہ صائمہ سلیم نے معرکۂ حق کے ایک سال مکمل ہونے پر مسلح افواجِ پاکستان اور پوری قوم کو خراجِ تحسین پیش کیا۔ بینائی سے محروم مگر باہمت سفارتکار نے اپنے خصوصی پیغام میں قومی اتحاد، ثابت قدمی اور وطن کے دفاع کے عزم کو سراہا۔ اپنے جذباتی اور شاعرانہ پیغام میں صائمہ سلیم نے کہا کہ جب باطل جھوٹے دعوؤں کے سہارے آگے بڑھا تو پاکستانی قوم اپنی عزت اور وقار کے دفاع کے لیے مضبوطی سے کھڑی ہوگئی۔ انہوں نے کہا کہ دشمن کی کھوکھلی بہادری پاکستانی عزم کے سامنے ٹوٹ گئی اور پاکستان کا وقار دنیا بھر میں بلند ہوا۔ انہوں نے اپنے پیغام میں اس بات پر زور دیا کہ معرکۂ حق تاریخ کا ایک اہم موڑ ثابت ہوا، جس نے وطن کے دفاع، قومی اتحاد اور قربانی کے جذبے کو مزید مضبوط کیا۔ ان کے مطابق پاکستان ایک امن پسند ملک ہے، مگر اپنی خودمختاری، عزت اور سلامتی کے تحفظ کے لیے پوری قوم اتحاد، جرات اور ایمان کے ساتھ کھڑی رہتی ہے۔ صائمہ سلیم نے اپنے پیغام کے اختتام پر اس عزم کا اظہار کیا کہ سبز و سفید پرچم ہمیشہ سربلند رہے گا اور پاکستانی قوم وطن کے دفاع کے لیے ہمیشہ متحد رہے گی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل