ایران گیم کھیل رہا ہے، اب مزید موقع نہیں دیا جائے گا، ڈونلڈ ٹرمپ

امریکا کے صدر ڈونلڈ ٹرمپ نے ایران پر ٹال مٹول کرنے اور گیمز کھیلنے کا الزام عائد کرتے ہوئے کہا ہے کہ امریکا اور دیگر دنیا کو 47 برس سے دھوکا دے رہا ہے اور حال ہی میں 42 ہزار بے گناہ مظاہرین کو قتل کیا گیا ہے۔ امریکی صدر ڈونلڈ ٹرمپ نے سوشل ٹرتھ پر جاری بیان میں کہا کہ ایران گزشتہ 47 برس سے امریکا اور باقی دنیا کے ساتھ ٹال مٹول کرتے ہوئے گیمز کھیلتا آ رہا ہے اور پھر بالآخرکار اس وقت بڑی کامیابی حاصل کی جب باراک حسین اوباما صدر بنے۔ باراک اوباما پر الزام عائد کرتے ہوئے ٹرمپ نے کہا کہ وہ ایران کے ساتھ نہ صرف اچھے تھے بلکہ حد سے زیادہ ان کا ساتھ دینے والے ثابت ہوئے، اسرائیل اور دیگر اتحادیوں کو بھی نظر انداز کیا اور ایران کو نئی اور طاقت ور زندگی دی۔ ان کا کہنا تھا کہ سیکڑوں ارب ڈالر اور 1.7 ارب ڈالر نقد کی صورت میں تہران پہنچائی گئی اور پلیٹ میں رکھ کر پیش کیا گیا، واشنگٹن ڈی سی، ورجینیا اور میری لینڈ کے تمام بینک خالی کر دیے گئے اور رقم اتنی زیادہ تھی کہ ایرانی حکام بھی نہیں جانتے تھے کہ اس کا کیا کیا جائے۔ ٹرمپ نے کہا کہ ایران حکام نے اتنی رقم پہلے کبھی نہیں دیکھی تھی اور دوبارہ بھی نہیں دیکھیں گے، یہ رقم جہاز سے سوٹ کیسز اور تھیلوں میں اتاری گئی اور ایرانی اپنی قسمت پر یقین نہیں کر پا رہے تھے۔ امریکی صدر نے کہا کہ آخر کار انہیں سب سے زیادہ رعایت دینے والا کمزور اور نالائق کی شکل میں امریکی صدر مل گیا تھا، وہ بطور ہمارا لیڈر تباہ کن تھا لیکن جوبائیڈن کی طرح اتنا سست نہیں تھا۔ ڈونلڈ ٹرمپ نے کہا کہ 47  سال سے ایرانی ہمیں دھوکا دیتے رہے ہیں، ہمیں انتظار کرواتے رہے، ہمارے لوگوں کو سڑک کنارے بموں سے مارتے رہے، احتجاج کچلتے رہے اور حال ہی میں 42 ہزار بے گناہ اور نہتے مظاہرین کو جان سے مار دیا اور مارے دوبارہ عظیم بنتے ملک کر ہنستے رہے تاہم وہ اب مزید نہیں ہنسیں گے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل