لاہور سمیت پنجاب کے مختلف اضلاع میں بارش کی پیشگوئی

مغرب سے کم ہواؤں کے بادلوں کا سلسلہ پاکستان میں داخل ہوگیا جس کے سبب لاہور سمیت پنجاب کے مختلف اضلاع میں بارش کا امکان ہے۔ محکمہ موسمیات کے مطابق لاہور اور سینٹرل پنجاب میں آج موسم ابر آلود رہے گا جبکہ گرد آلود ہوائیں چلیں گی اور ہلکی بارش کے امکان ہے۔ بارش برسانے والا یہ سسٹم 3 جون تک لاہور اور پنجاب کے مختلف اضلاع میں بارش برسائے گا۔ پی ڈی ایم اے کی جانب سے بھی الرٹ جاری کر دیا گیا ہے، صوبہ بھر کی ضلعی انتظامیہ اور واسا نے اپنے اپنے طور پر بروقت ممکنہ بارش سے قبل انتظامات مکمل کر لیے۔ ایم ڈی واسا لاہور غفران احمد نے بھی ممکنہ بارش کے پیش نظر آپریشنل اسٹاف کو بارش کے دوران فیلڈ میں رہنے کی ہدایت جاری کر دی ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل