فیفا ورلڈکپ: میسی بڑی مشکل میں پھنس گئے؟ الجیریا نے فیفا میں شکایت جمع کروا دی

الجیریا نے ورلڈ کپ 2026 میں ارجنٹینا کے ہاتھوں 0-3 کی شکست کے بعد میچ آفیشلز کی کارکردگی پر شدید تحفظات کا اظہار کرتے ہوئے فیفا کی ریفریز کمیٹی میں باضابطہ شکایت جمع کرا دی ہے۔ میڈیا رپورٹس کے مطابق الجیریا نے اپنی شکایت میں خاص طور پر پہلے ہاف کے ایک واقعے کا حوالہ دیا ہے، جس میں ارجنٹائن کے کپتان لیونل میسی مبینہ طور پر الجیریا کے کپتان عیسیٰ ماندی کی پنڈلی پر چڑھ گئے تھے۔ Cezayir Futbol Federasyonu, Messi'ye kart gösterilmeyen pozisyon nedeniyle Arjantin'i FIFA'ya şikayet etti.pic.twitter.com/qoKybdE0pt — Boşuna Tıklama (@bosunatiklama) June 19, 2026 الجیریا کے کھلاڑیوں اور شائقین نے اس موقع پر میسی کے خلاف کارروائی کا مطالبہ کیا تھا تاہم ریفری نے کوئی سزا نہیں دی۔ میسی بعد ازاں میچ میں ہیٹ ٹرک اسکور کرنے میں کامیاب رہے اور ٹیم کی فتح میں کلیدی کردار ادا کیا۔ میچ کے بعد تجزیہ کاروں نے بھی میسی کو ریڈ کارڈ نہ دکھائے جانے پر شدید حیرت کا اظہار کیا تھا۔ الجیریا نے ایک اور واقعے کی بھی نشاندہی کی ہے جس میں ارجنٹائن کے مڈفیلڈر الیکسس میک ایلسٹر پر الزام ہے کہ انہوں نے ابراہیم مازا کے چہرے پر کہنی ماری لیکن اس پر بھی کوئی ایکشن نہیں لیا گیا۔ Der algerische Fußballverband hat nach der nicht gegebenen Roten Karte gegen Lionel Messi Beschwerde bei der FIFA "wegen unfairer Schiedsrichterentscheidungen" eingereicht. Das teilte eine Quelle des Verbandes am Freitag der Nachrichtenagentur AFP mit.???????????? ????️ "Die Beschwerde… pic.twitter.com/tGyT2JYisa — Sky Sport (@SkySportDE) June 19, 2026 اس معاملے نے سوشل میڈیا پر بھی بحث چھیڑ دی ہے جہاں کئی صارفین سوال اٹھا رہے ہیں کہ آیا میسی کی عالمی شہرت نے ریفری کے فیصلوں پر اثر ڈالا۔ دوسری جانب جنوبی افریقا کے کوچ ہیوگو بروس نے بھی اس معاملے کا حوالہ دیتے ہوئے اپنے کھلاڑی کو دی گئی سخت سزا پر اعتراض کیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل