بکریاں چَرانے والا 55 سالہ شخص ڈنڈوں سے مار کر قتل کردیا گیا

باٹا پور کے علاقے میں بکریاں چَرانے والے 55 سالہ شخص کو نامعلوم افراد نے ڈنڈے اور سوٹے مار کر قتل کردیا۔ پولیس کے مطابق مقتول کی شناخت 55 سالہ منیر کے نام سے ہوئی ہے، جو علاقے میں بکریاں چَرا رہا تھا۔ پولیس کا کہنا ہے کہ منیر بکریوں کو چَرا رہا تھا کہ اسی دوران نامعلوم افراد نے اسے بہیمانہ تشدد کا نشانہ بنایا۔ ڈنڈوں اور سوٹوں کے وار سے شدید زخمی ہونے والا 55 سالہ شخص جانبر نہ ہوسکا اور موقع پر ہی دم توڑ گیا۔ واقعے کی اطلاع ملنے پر پولیس موقع پر پہنچ گئی اور مقتول کی لاش کو اپنی تحویل میں لے لیا۔ ضروری کارروائی مکمل کرنے کے بعد لاش مردہ خانے منتقل کردی گئی، جبکہ واقعے سے متعلق شواہد بھی اکٹھے کیے جارہے ہیں۔ پولیس کے مطابق ابتدائی طور پر واقعے میں ملوث افراد کی شناخت نہیں ہوسکی، تاہم ملزمان کا تعلق اسی گاؤں سے بتایا جارہا ہے۔ پولیس کا کہنا ہے کہ واقعے کی مختلف پہلوؤں سے تحقیقات جاری ہیں اور ملزمان کا جلد سراغ لگا لیا جائے گا۔ پولیس نے مزید بتایا کہ مقتول کو قتل کرنے والے ملزمان کی تلاش کے لیے کارروائی شروع کردی گئی ہے۔ اہلکار علاقے میں موجود افراد سے معلومات حاصل کررہے ہیں تاکہ واقعے کے محرکات اور قتل میں ملوث افراد کی نشاندہی کی جاسکے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل