کراچی: ڈیفنس میں خواتین کا جھگڑا، زخمی خاتون نور العین کی اہم ویڈیو سامنے آگئی

ڈیفنس کے علاقے چھوٹا بخاری کمرشل ایریا میں خواتین کے درمیان جھگڑے کے دوران زخمی ہونے والی خاتون نور العین کی اہم ویڈیو سامنے آگئی۔ ویڈیو میں نور العین کو زخمی اور خوفزدہ حالت میں دیکھا جا سکتا ہے۔ نور العین کا کہنا ہے کہ میری ناک اور منہ سے خون نکل رہا ہے، آنکھ پر بھی زخم ہے، میرے بال نوچ دیے گئے ہیں۔ واضح رہے کہ خیابانِ بخاری کے ایک فلیٹ میں پولیس اہلکاروں کی موجودگی کے دوران دو خواتین کے درمیان جھگڑے کی ویڈیو پہلے ہی منظر عام پر آچکی ہے۔ واقعے کا مقدمہ درخشاں تھانے میں درج کیا گیا تھا، تاہم واقعے سے متعلق مزید تفصیلات اور پولیس کا مؤقف سامنے آنا باقی ہے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل