کراچی، نوجوان پر بہیمانہ تشدد، ایس ایس پی کا چوکی انچارج کو معطل کر کے انکوائری کا حکم

شہر قائد میں نوجوان پر مبینہ تشدد کے معاملے پر ایس ایس پی ڈسٹرکٹ کورنگی فدا حسین جانوری نے عوامی کالونی تھانے کی بلال کالونی پولیس چوکی کے انچارج ہیڈ کانسٹیبل راؤ اعجاز کو معطل کردیا۔ پولیس کے مطابق راؤ اعجاز پر الزام ہے کہ اس نے ذوالفقار علی نامی نوجوان کو پولیس چوکی لے جا کر مبینہ طور پر تشدد کا نشانہ بنایا۔ متاثرہ نوجوان کا ویڈیو بیان بھی سامنے آیا تھا جس میں اس کے جسم پر تشدد کے نشانات دکھائی دیے۔ نوجوان نے الزام عائد کیا تھا کہ اسے ماوا اور منشیات فروشوں سے بیٹ جمع کرنے کا کہا گیا اور انکار پر سنگین نتائج کی دھمکیاں دی گئیں۔ متاثرہ نوجوان کے مطابق اسے مبینہ طور پر 20 ہزار روپے رشوت کے عوض چھوڑا گیا۔ ایس ایس پی فدا حسین جانوری نے واقعے کی انکوائری کے لیے ڈی ایس پی لانڈھی صفی اللہ کو انکوائری افسر مقرر کردیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل