لاہور: گھریلو جھگڑے کے بعد مریدکے سے لاہور آنے والی خاتون گینگ ریپ کا نشانہ بن گئی

لاہور میں گھریلو جھگڑے پر مریدکے سے لاہور آنے والی خاتون مبینہ اجتماعی زیادتی کا نشانہ بن گئی، شالیمار پولیس نے کارروائی کرتے ہوئے ایک ملزم کو گرفتار کرلیا۔ پولیس کے مطابق رکشہ ڈرائیور خاتون کو پناہ دلانے کے بہانے اپنے دوست حنیف کے گھر چھوڑ گیا۔ رکشہ ڈرائیور کے جاتے ہی ملزم حنیف نے خاتون کو زنجیروں سے باندھ کر یرغمال بنا لیا۔ پولیس کے مطابق ملزم حنیف نے اپنے دوست کریم کو بلا لیا، دونوں ملزمان نے خاتون سے اجتماعی زیادتی کی۔ خاتون نے موقع پا کر 15 پر کال کرکے پولیس کو اطلاع دی۔ پولیس نے ملزم حنیف کے خلاف مقدمہ درج کرلیا، مزید تفتیش جاری ہے۔ فرار ملزم کریم کی گرفتاری کے لیے ٹیمیں تشکیل دے دی گئی ہیں۔ ایس پی سول لائنز منزہ کرامت کا کہنا ہے کہ خواتین پر تشدد اور زیادتی میں ملوث عناصر کسی رعایت کے مستحق نہیں، فرار ملزم کو جلد گرفتار کرکے سلاخوں کے پیچھے پہنچایا جائے گا۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل