مینز جونئیر ایشیا کپ؛ پاکستان ہاکی ٹیم نے ملائیشیا کو شکست دیکر کانسی کا تمغہ حاصل کر لیا

مینز جونئیر ایشیا کپ 2026 کے برونز میڈل میچ میں پاکستان جونیئر ہاکی ٹیم نے شاندار کم بیک کرتے ہوئے ملائیشیا کو 2-4 سے شکست دے کر تیسری پوزیشن اور کانسی کا تمغہ حاصل کر لیا۔ میچ کا آغاز ملائیشیا کی جانب سے جارحانہ انداز میں ہوا، جس نے کھیل کے 11 ویں منٹ میں آدم جوہری کے فیلڈ گول اور 13 ویں منٹ میں فہمی سوزینی کے پینلٹی کارنر گول کی بدولت 0-2 کی برتری حاصل کر لی تھی۔ تاہم پاکستان جونیئر ٹیم نے بہترین حکمت عملی اور شاندار کھیل کا مظاہرہ کرتے ہوئے میچ میں زبردست واپسی کی۔ پاکستان کی جانب سے رانا عبد السمیع نے شاندار کھیل کا مظاہرہ کرتے ہوئے 34 ویں اور 47 ویں منٹ میں دو فیلڈ گول اسکور کر کے مقابلہ 2-2 سے برابر کر دیا۔ اس کے بعد 52 ویں منٹ میں محمد شہیر نے پینلٹی کارنر کو گول میں بدل کر پاکستان کو 2-3 کی برتری دلا دی۔ کھیل کے 56 ویں منٹ میں ولید رانا نے پینلٹی اسٹروک پر گول کر کے پاکستان کی فتح 2-4 سے یقینی بنا دی۔ پاکستان ہاکی فیڈریشن کے صدر محی الدین احمد وانی نے قومی جونیئر ٹیم اور آفیشلز کو اس فتح اور برونز میڈل حاصل کرنے پر مبارکباد پیش کی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل