خیبرپختونخوا پولیس نے 27 ستمبر مارچ میں سرکاری اسلحہ لے جانے پر پابندی لگادی

تحریک انصاف کے 27 ستمبر دھرنے کے پیش نظر خیبرپختونخوا پولیس نے سرکاری اسلحے اور آنسو گیس شیلز کے استعمال سے متعلق اہلکاروں اور عوامی نمائندوں کے لیے سخت ہدایات جاری کردیں۔ پولیس کی جانب سے جاری ہدایات نامے کے مطابق 27 ستمبر کو اسلام آباد جانے والے عوامی نمائندوں کے ساتھ کوئی سرکاری اہلکار مسلح ہوکر نہیں جائے گا، جبکہ ایم پی ایز کے ہمراہ تعینات پولیس اہل کاروں کو بھی اسلحہ لے جانے کی اجازت نہیں ہوگی۔ ہدایات میں واضح کیا گیا ہے کہ سرکاری آنسو گیس، شیلز اور دیگر پولیس سازوسامان بھی کسی اہلکار یا عوامی نمائندے کو فراہم نہیں کیا جائے گا۔ پولیس حکام نے تمام متعلقہ افسران و اہلکاروں کو ہدایات پر سختی سے عمل درآمد کی ہدایت کرتے ہوئے خبردار کیا ہے کہ 27 ستمبر کو سرکاری اہلکاروں کے سرکاری حیثیت میں اسلام آباد جانے کی صورت میں ان کے خلاف سخت کارروائی عمل میں لائی جائے گی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل