امبر ہرڈ کی نام بدل کر اسپین میں نئی زندگی، مصروفیات سامنے آگئیں

ہالی ووڈ اداکارہ امبر ہرڈ نے سابق شوہر جانی ڈیپ کے ساتھ 2022 میں ہونے والی عالمی سطح پر مشہور قانونی جنگ کے بعد اپنی زندگی کو بڑی حد تک میڈیا کی نظروں سے دور کرلیا ہے۔ 2025 میں جڑواں بچوں کی پیدائش کے بعد اداکارہ اسپین میں اپنے بچوں کے ساتھ نسبتاً نجی زندگی گزار رہی ہیں۔ امبر ہرڈ نے قانونی تنازع کے دوران جانی ڈیپ پر گھریلو تشدد اور جنسی زیادتی کے الزامات عائد کیے تھے، تاہم مقدمے کا فیصلہ ان کے حق میں نہیں آیا۔ اس کے بعد انہوں نے کیلیفورنیا میں موجود اپنا گھر فروخت کیا اور اسپین کے دارالحکومت میڈریڈ منتقل ہوگئیں۔ 40 سالہ اداکارہ نے گزشتہ برس جڑواں بچوں کو جنم دیا تھا۔ بین الاقوامی میڈیا رپورٹس کے مطابق اپنی نجی زندگی کو مزید محفوظ رکھنے کے لیے وہ ’مارتھا جین کینری‘ کے نام کا استعمال بھی کر رہی ہیں۔ اب امبر ہرڈ نے سوشل میڈیا کے ذریعے اسپین میں اپنی روزمرہ زندگی کی کچھ جھلکیاں شیئر کی ہیں۔ انہوں نے شمالی اسپین کے ساحلی شہر سین سیبسٹیان میں منعقدہ اپنی پہلی ہاف میراتھن مکمل کی، جہاں انہوں نے 21 کلومیٹر کا فاصلہ ایک گھنٹہ 39 منٹ میں طے کیا۔         View this post on Instagram                       اداکارہ اسپین میں اپنے تین بچوں، بیٹی اونا پیج اور جڑواں بچوں ایگنس اور اوشن کے ساتھ رہ رہی ہیں۔ ان کے سوشل میڈیا اکاؤنٹ پر گھر میں کھانا پکانے، یوگا کرنے، دوڑنے اور بچوں سمیت خاندان کے ساتھ وقت گزارنے کی سرگرمیاں بھی نمایاں ہیں۔ یوں ایک طویل عرصے تک میڈیا کی مسلسل توجہ میں رہنے والی اداکارہ اب اپنی زندگی کا ایک مختلف اور نسبتاً نجی باب گزار رہی ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل