درفشاں سلیم کو وزن پر تنقید اور مذاق کا سامنا، اداکارہ نے بھی ناقدین کو جواب دے دیا

پاکستانی شوبز انڈسٹری کی معروف اداکارہ درفشاں سلیم نے اپنے بازوؤں اور وزن پر تنقید کرنے والے سوشل میڈیا صارفین کو طنزیہ جواب دے دیا۔ اداکارہ ان دنوں ڈرامہ سیریل ’درِ نجات‘ میں اپنی اداکاری کے باعث خبروں میں ہیں، تاہم ڈرامے کی 21ویں قسط میں ان کا لباس نئی بحث کا سبب بن گیا۔ ایک منظر میں درفشاں بغیر آستین کی شرٹ پہنے نظر آئیں، جس کے بعد بعض صارفین نے ان کے بازوؤں اور کندھوں کی ساخت کا مذاق اڑانا شروع کر دیا۔ کچھ صارفین نے مصنوعی ذہانت کی مدد سے ان کی تصاویر میں بڑے مسلز بنا کر انہیں ریسلرز سے بھی تشبیہ دی۔ مسلسل باڈی شیمنگ کے بعد درفشاں نے انسٹاگرام پر اپنے لکس اشتہار کی ویڈیو شیئر کرتے ہوئے طنزیہ انداز میں لکھا، ’آلویز فیت: اینڈ ڈیٹ از دی ٹوئٹ‘۔ اداکارہ کے اس مختصر مگر دلچسپ ردعمل نے سوشل میڈیا پر توجہ حاصل کر لی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل