گوگل نے ٹرمپ کی بحرِ اوقیانوس کا نام تبدیل کرنے کی خواہش ماننے سے انکار کردیا

امریکی صدر ڈونلڈ ٹرمپ نے دعویٰ کیا ہے کہ انہوں نے بحرِ اوقیانوس کا نام تبدیل کرکے “Trump Ocean” رکھنے کے لیے گوگل سے رابطہ کیا، تاہم گوگل کے سی ای او سندر پچائی نے یہ تجویز مسترد کردی۔ ٹرمپ کے مطابق انہوں نے پچائی سے پوچھا کہ کیا گوگل بحرِ اوقیانوس کا نام تبدیل کرسکتا ہے؟ پچائی نے مبینہ طور پر جواب دیا کہ سمندر مختلف نوعیت کے ہوتے ہیں کیونکہ وہ کئی ممالک کی حدود تک پھیلے ہوئے ہیں، اس لیے گوگل ایسا نہیں کرسکتا۔ ٹرمپ نے اس کے بعد کہا کہ وہ غالباً بحرِ اوقیانوس کا نام تبدیل کرنے کا خیال ترک کردیں گے۔ تاہم انہوں نے مذاقاً بحرالکاہل کو “American Ocean” کا نام دینے کی تجویز بھی پیش کی۔ یہ معاملہ ٹرمپ کی جانب سے جغرافیائی مقامات کے نام تبدیل کرنے کی حالیہ کوششوں کے بعد سامنے آیا ہے۔ امریکا میں ان کے حکم کے بعد گوگل میپس نے خلیج میکسیکو کو امریکی صارفین کے لیے “Gulf of America” اور رواں سال جھیل اونٹاریو کو “Lake America” کے طور پر دکھانا شروع کردیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل