قشم جزیرے پر مبینہ امریکی حملوں میں اسرائیل کے ملوث ہونے کی تردید

تل ابیب: اسرائیلی فوج نے ایران کے قشم جزیرے پر امریکی حملوں کی میڈیا رپورٹس میں اپنے ملوث ہونے کی تردید کردی ہے۔ اسرائیلی فوج کا کہنا ہے کہ ان حملوں میں اس کا کوئی کردار نہیں تھا۔ خبر رساں ادارے اے ایف پی کے مطابق امریکی میڈیا اداروں نے آبنائے ہرمز میں واقع ایرانی جزیرے قشم پر امریکا کے خفیہ حملوں کی خبریں دی تھیں۔ اس حوالے سے اسرائیلی فوج کے ترجمان سے پوچھا گیا کہ کیا اسرائیل ان کارروائیوں میں شامل تھا؟ ترجمان نے مختصر جواب دیتے ہوئے کہا: ’’نہیں‘‘۔ اسرائیلی فوج کی جانب سے یہ وضاحت ایک ایسے وقت میں سامنے آئی ہے جب وزیراعظم بن یامین نیتن یاہو نے حال ہی میں ایران کے ساتھ جنگ دوبارہ شروع کرنے کی دھمکیاں دی تھیں۔ تاہم اسرائیلی فوج نے قشم جزیرے پر رپورٹ کیے گئے حملوں میں کسی خفیہ یا براہِ راست کردار کی تردید کی ہے۔ امریکی میڈیا کی جانب سے سامنے آنے والی ان کارروائیوں کی تفصیلات اور ان کے مقاصد کے بارے میں مزید معلومات تاحال واضح نہیں ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل