پشاور؛ تجاوزات کے خلاف آپریشن میں تیزی لانے کا فیصلہ عملے کی چھٹیاں منسوخ

پشاور کی انتظامیہ نے تجاوزات کے خلاف آپریشن میں تیزی لانے کا فیصلہ کرتے ہوئے عملے کی چھٹیاں منسوخ کردیں۔ کمشنر پشاور ڈویژن کیپٹن(ر) خالد محمود کی زیرصدارت تجاوزات کے حوالے سے اہم اجلاس منعقد ہوا، جس میں رنگ روڈ پر آپریشن رواں ہفتے مکمل کرنے کی ہدایت کی گئی ہے اور آپریشن ڈبل کے لیے ڈبل شفٹ شروع کردی گئی ہے۔ اجلاس میں تین پولیس اسٹیشن تجاوزات کی زد میں آگئے اور تینوں تھانوں کو مسمار کرنے کا فیصلہ کیا گیا، پولیس اسٹیشن آغا میر جانی شاہ، پشتخرہ، رحمان بابا کی عمارتوں کے اضافی حصے مسمار کیے جائیں گے۔ رپورٹ میں بتایا گیا کہ گھڑی قمردین میں سرکاری گرلز اسکول بھی تجاوزات کی زد میں آگیا ہے، اسی طرح اجلاس میں فیصلہ کیا گیا کہ اندرون شہر ورکشاپس رنگ روڈ منتقل کیا جائے گا۔ مزید بتایا گیا کہ آپریشن میں اب تک 410 کنال اراضی واگزار اور 570 تجاوزات مسمار کی گئی ہیں اور آپریشن کے دوران اب تک واگزار اراضی کا تخمینہ تقریباً 29.5 ارب روپے بتایا گیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل