Thursday, November 19, 2026
 

بی بی سی اردو دہشت گردوں کی تشہیر اور پاکستان مخالف پروپیگنڈا کرنے کی روش پر قائم

 



برطانوی نشریاتی ادارہ بی بی سی اردو کی صحافتی بددیانتی ایک بار پھر سامنے آگئی، جو حقائق مسخ کر کے پاکستان مخالف پروپیگنڈا کرنے کی روش پر قائم ہے۔ صحافتی اخلاقیات اور دیانت داری کو بالائے طاق رکھتے ہوئے بی بی سی اردو نے اپنی پرانا وطیرہ برقرار رکھا۔ بی بی سی اردو نے دہشتگرد تنظیم فتنۃ الہندوستان کے سرغنہ رحمان گل کی مذموم سرگرمیوں کی تشہیر کرکے صحافتی اصولوں اور غیر جانبداری کی انتہا کر دی۔ کالعدم تنظیم فتنۃ الہندوستان کا سرغنہ رحمان گل محکمہ داخلہ حکومت بلوچستان کی انتہائی مطلوب دہشتگرد کی فہرست میں شامل ہے۔ بی بی سی اردو کی جانب سے دہشت گردی میں ملوث عناصر کی زندگی کو مثبت انداز میں اجاگر کرنا درحقیقت دہشت گردی کے بیانیے کو تقویت دینے کے مترادف ہے۔ واضح رہے کہ بی بی سی اردو 16 نومبر کو بھی نفٹاک اور نیکٹا میں خالصتاً انتظامی اور تکنیکی تنظیمِ نو کی خبر کو بے بنیاد قیاس آرائیوں کے لیے استعمال کر چکا ہے جبکہ بی بی سی اردو نے 27 اکتوبر کو پاک افغان سرحد پرطالبان کی شرانگیزی پرپاک فوج کی کارروائی جبکہ 7 نومبر کو اوتھل ڈکیتی کیس کوبھی منفی اندازمیں پیش کیا۔ برطانوی نشریاتی ادارہ بی بی سی اردو نے ہمیشہ صحافتی اصولوں کو نظر انداز کرکے پاکستان اور اس کے اداروں کے خلاف ہرزہ سرائی کو فروغ دیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل