گیس ٹینکر دھماکے میں جلنے والا 2 کلومیٹرچل کرمدد مانگتا رہا، لوگ ویڈیو بناتے رہے

بھارت میں گیس ٹینکر دھماکے سے پھٹ گیا اور اس میں آگ لگ گئی۔ آگ کی زد میں آنا والے شخص کی لوگ ویڈیو بناتے رہے۔ بھارتی میڈیا کے مطابق جے پور اجمیر ہائے وے پر گیس ٹینکر میں دھماکے کے بعد آگ لگ گئی۔ ٹینکر کے قریب سے گزرنے والا 32 سالہ مکینک رادھے شیام چوہدری آگ کے شعلوں کی لپیٹ میں آگیا۔ رپورٹ میں مزید کہا گیا ہے کہ جلنے والا شخص 2 کلومیٹر تک پیدل چل کر مدد کے لیے پکارتا رہا تاہم موقع پر موجود لوگ اسے بچانے کے بجائے ویڈیو بناتے اور سوشل میڈیا پر پوسٹ کرتے رہے۔ آگ سے بری طرح جھلسنے والے شخص کو کافی دیر بعد اسپتال متنقل کیا گیا جہاں وہ زخموں کی تاب نہ لاتے ہوئے چل بسا۔ پولیس واقعے کی مزید تحقیقات کررہی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل