میئر کراچی کا رات گئے ضلع وسطی میں ترقیاتی کاموں کا دورہ

میئر کراچی بیرسٹر مرتضیٰ وہاب نے رات گئے ضلع وسطی میں جاری ترقیاتی کاموں کا دورہ کیا۔ ترقیاتی کاموں کے دورے کے دوران انہوں نے عائشہ منزل پہنچ کر پل کے نیچے بنائے گئے پارک اور فاؤنٹین کا معائنہ کیا اور شہریوں سے ملاقات کی۔ مرتضیٰ وہاب نے اس موقع پر شہریوں کے مسائل سنے اور ان کے حل کی یقین دہانی کرائی۔ میئر کراچی کو لندی کوتل سے یاسین آباد تک سڑک کی بحالی کے بارے میں حکام نے بریفنگ دی۔ انہوں نے سڑک کی تعمیر کے دوران ہونے والے کاموں اور اس کی اہمیت پر بھی بات کی۔ شاہراہ جہانگیر کی تعمیر پر بریفنگ دیتے ہوئے حکام نے بتایا کہ اس منصوبے پر 688.805 ملین روپے لاگت آئے گی۔ اس سڑک کی 3.3 کلومیٹر لمبی اور 13 میٹر چوڑی ڈوئل ٹریک سڑک کی تعمیر جاری ہے، جس کے ساتھ ساتھ 3.3 کلومیٹر نکاسی آب کی نالی بھی بنائی جا رہی ہے۔ میئر کراچی کو منصوبے کی پیش رفت کے بارے میں آگاہ کرتے ہوئے بتایا گیا کہ اس منصوبے کا 30 فیصد فزیکل کام مکمل ہو چکا ہے، جبکہ 15 فیصد فنانشل پراگریس رپورٹ کی گئی ہے۔ اس دوران میئر کراچی نے ترقیاتی کاموں کی رفتار تیز کرنے کی ہدایت دیتے ہوئے کہا کہ ان منصوبوں کو جلد از جلد مکمل کیا جائے تاکہ شہریوں کو بہتر سہولتیں فراہم کی جا سکیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل