ایک کپ کافی قبض کی شکایت سے بچا سکتی ہے: تحقیق

ایک نئی تحقیق میں محققین نے اس بات کی تصدیق کی ہے کہ ایک کپ کافی قبض کی شکایت سے بچنے میں مدد دے سکتی ہے۔ بارہ ہزار سے زائد افراد پر کی جانے والی اس تحقیق میں معلوم ہوا کہ صرف 100 ملی گرام کیفین (جو کہ ایک کپ کافی کا بنتا ہے) قبض کے خطرات کو تقریباً 20 فی صد تک کم کر دیتی ہے۔ البتہ، اگر روزانہ 204 ملی گرام سے زیادہ کی مقدار (جو کہ کافی کے دو کپ بنتے ہیں) سے زیادہ کیفین کی کھپت ہو تو اس کے منفی اثرات مرتب ہو سکتے ہیں۔ سائنس دانوں کو تحقیق میں معلوم ہوا 100 ملی گرام حد کے بعد کافی کا ہر اضافی کپ قبض کے خطرات کو چھ فی صد تک بڑھا دیتا ہے۔ اس کی عین ممکن وجہ کیفین میں ڈائیوریٹک خصوصیات کا ہونا ہے یعنی کافی کا پیشاب کی حاجت میں اضافے اور ڈی ہائیڈریشن کا سبب ہونا ہے جو کہ قبض کی ایک بڑی وجہ ہے۔ تاہم، 60 برس سے زیادہ کے افراد میں یہ معاملہ نہیں دیکھا گیا کیوں اس عمر کے لوگوں کیفین کی زیادہ کھپت کا تعلق قبض کے خطرات میں کمی سے پایا گیا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل