اسحق ڈار شنگھائی تعاون تنظیم اجلاس کیلیے آج چین جائیں گے

نائب وزیراعظم و وزیر خارجہ اسحاق ڈار آج چین جائیں گے وہ تیانجن (چین) میں 14سے16جولائی تک ہونے والے شنگھائی تعاون تنظیم (ایس سی او) کی وزرائے خارجہ کونسل کے اجلاس میں شریک ہونگے۔ اجلاس میں چین، بیلاروس، بھارت، ایران، قازقستان، کرغزستان، روس، تاجکستان، ازبکستان کے وزرائے خارجہ بھی شریک ہونگے۔ وزیراعظم شہباز شریف آئندہ ماہ اگست میں اعلیٰ سطح کے وفد کے ساتھ چین کا دورہ کرینگے توقع ہے کہ فیلڈ مارشل سید عاصم منیر بھی ان کے ہمراہ ہونگے۔ دورے کی حتمی تاریخ ابھی طے کی جا رہی ہے۔ پاک، بھارت جنگ کے بعد کی صورتحال میں یہ دورہ انتہائی اہمیت کا حامل ہے۔ شنگھائی تعاون تنظیم کا سربراہ اجلاس 31 اگست سے یکم ستمبر تک تیانجن میں ہوگا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل