مشرقی انڈونیشیا میں 6.7 شدت کا زلزلہ، کیا سونامی کا خطرہ ہے؟

مشرقی انڈونیشیا کے ساحل کے قریب پیر کی شب 6.7 شدت کا زلزلہ ریکارڈ کیا گیا، تاہم متعلقہ اداروں نے واضح کیا ہے کہ اس زلزلے سے سونامی کا کوئی خطرہ نہیں ہے۔ یو ایس جیولوجیکل سروے (USGS) کے مطابق زلزلہ پاکستانی وقت کے مطابق رات 10:49 بجے آیا، جس کا مرکز مشرقی مالوکو صوبے کے شہر ٹوال سے 177 کلومیٹر مغرب میں زمین کی 66 کلومیٹر گہرائی میں تھا۔ بحرالکاہل سونامی وارننگ سینٹر اور انڈونیشیا کی جیو فزکس ایجنسی نے تصدیق کی ہے کہ زلزلے میں سونامی پیدا کرنے کی صلاحیت موجود نہیں تھی۔ ابتدائی رپورٹس کے مطابق کسی جانی یا مالی نقصان کی اطلاع موصول نہیں ہوئی۔ انڈونیشیا، جو بحرالکاہل کے زلزلہ خیز علاقے "رِنگ آف فائر" پر واقع ہے، ماضی میں بھی کئی مہلک زلزلوں کا سامنا کر چکا ہے۔ 2004 کے تباہ کن زلزلے اور سونامی میں صرف انڈونیشیا میں 1,70,000 سے زائد اموات ہوئیں۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل