قوم متحد اور دہشت گردی کے مکمل خاتمے کیلیے پُرعزم ہے، وزیراعظم

وزیراعظم شہباز شریف نے کہا ہے کہ پوری قوم متحد اور ملک سے ہر قسم کی دہشت گردی کے مکمل خاتمے کے لئے پرعزم ہے۔ ایکسپریس نیوز کے مطابق وزیراعظم محمد شہباز شریف نے ضلع شمالی وزیرستان میں فتنتہ الخوارج کے دہشت گردوں کی جانب سے سیکیورٹی فورسز کے کیمپ پر حملے کی شدید مذمت کی۔ وزیراعظم نے کاروائی میں فتنتہ الخوارج کے 4 دہشت گردوں کو ہلاک کرنے پر سیکیورٹی فورسز کی کو شاباش دی اور دہشت گردوں کا مقابلہ کرتے ہوئے جام شہادت نوش کرنے والے پاک فوج کے حوالدار محمد وقاص، نائیک خانویز، سپاہی صفیان حیدر اور سپاہی رفعت کو خراج عقیدت پیش کیا۔ وزیراعظم نے شہدا کے درجات کی بلندی کیلیے دعا اور اہل خانہ سے تعزیت کا اظہار کیا جبکہ زخمی ہونے والوں کی جلد صحت یابی کیلیے دعا کی۔ انہوں نے کہا کہ پوری قوم شہداء  کو سلام پیش کرتی ہے، عزم استحکام کے ویژن کے تحت سیکیورٹی فورسز دہشت گردی کے خلاف بڑی کامیابیاں حاصل کر رہی ہیں۔ انہوں نے کہا کہ  دہشت گردی کے خلاف اس جنگ میں پوری قوم متحد ہوکر افواج  پاکستان کے ساتھ کھڑی ہے اور اس کے مکمل خاتمے کیلیے پُرعزم ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل