پاکستان میں موجود وفد دل و جان سے ملکی مفادات کا دفاع کر رہا ہے؛ ایرانی صدر

پاکستان کی میزبانی میں امریکا اور ایران کے درمیان جنگ بندی مذاکرات شروع ہوگئے اور اس دوران ایرانی صدر مسعود پزیشکیان کا اہم بیان سامنے آگیا۔ ایرانی صدر مسعود پزیشکیان نے سوشل میڈیا پلیٹ فارم ایکس پر اپنی ٹوئٹ پر لکھا کہ اعلیٰ سطح کا ایرانی وفد پاکستان میں امریکا کے ساتھ مذاکرات کے لیے موجود ہے۔ انھوں نے مزید لکھا کہ یہ وفد دل و جان سے ایران کے مفادات کا دفاع کر رہا ہے اور امریکا کے ساتھ بہادری سے مذاکرات کرے گا۔ ایرانی صدر نے اس عزم کا بھی اظہار کیا کہ کسی بھی صورت میں حکومت اپنے عوام کی خدمت ایک لمحے کے لیے بھی نہیں روکے گی۔ صدر مسعود پزیشکیان نے مزید کہا کہ امریکا کے ساتھ جنگ بندی مذاکرات کا نتیجہ جو بھی نکلے، حکومت عوام کے شانہ بشانہ کھڑی رہے گی۔ هیأت ایرانی عالی رتبه‌ای که در پاکستان حاضر شده با تمام وجود حافظ منافع ایران است و در همین راستا شجاعانه مذاکره خواهد کرد. در هر صورت خدمت ما به مردم لحظه‌ای متوقف نمی‌شود و هر نتیجه‌ای از مذاکرات حاصل شود دولت پای کار مردم است. — Masoud Pezeshkian (@drpezeshkian) April 11, 2026 یاد رہے کہ صدر مسعود پزیشکیان کا یہ بیان اُس وقت سامنے آیا ہے جب امریکا اور ایران کے درمیان جنگ بندی مذاکرات پاکستان کی میزبانی میں اسلام آباد میں شروع ہوگئے ہیں۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل