ایرانی فوج نے آبنائے ہرمز کا نیا نقشہ جاری کردیا

ایران کی عسکری قیادت کی جانب سے آبنائے ہرمز سے متعلق ایک اہم پیش رفت سامنے آئی ہے۔ میڈیا رپورٹس کے مطابق پاسدارانِ انقلاب کی بحریہ نے ایرانی فوج کے زیرِ کنٹرول آبنائے ہرمز کا نیا نقشہ جاری کر دیا ہے جس میں اس اہم آبی گزرگاہ کے مختلف اسٹریٹیجک پوائنٹس اور نگرانی کے علاقوں کو واضح کیا گیا ہے۔ ذرائع کے مطابق اس نقشے میں اہم بحری راستوں، دفاعی تنصیبات اور ایرانی نگرانی کے دائرہ کار کو نمایاں کیا گیا ہے، جسے خطے میں ایران کی بحری حکمت عملی کا حصہ قرار دیا جا رہا ہے۔ آبنائے ہرمز، جہاں سے دنیا کی بڑی مقدار میں تیل کی ترسیل ہوتی ہے، عالمی معیشت کے لیے انتہائی حساس مقام ہے۔ ماہرین کے مطابق ایسے میں اس نوعیت کے نقشے کا اجرا علاقائی طاقت کے اظہار اور اسٹریٹیجک پیغام کے طور پر دیکھا جا رہا ہے۔ یہ پیش رفت ایسے وقت میں بھی سامنے آئی ہے جب خلیج میں کشیدگی اور بحری سرگرمیوں میں اضافہ ہورہا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل