بجلی صارفین سے 3 سالوں میں 19 کھرب ٹیکس وصول کرنے کا انکشاف

بجلی صارفین گزشتہ 3 سال کے دوران 19 کھرب روپے سے زائد ٹیکس وصولیوں کا انکشاف ہوا ہے۔ وزارت توانائی کی دستاویزات میں انکشاف ہوا ہے کہ ڈسکوز نے بجلی صارفین سے 2022-23 میں 5 کھرب 7 ارب روپے ٹیکس وصول کیے جبکہ بجلی تقسیم کار کمپنیوں نے سال 2023-24 میں 6 کھرب 98 ادب روپے ٹیکس کی مد میں وصول کیے۔ دستاویزات  کے مطابق گزشتہ سال بجلی صارفین سے 7 کھرب سے زائد کی ٹیکس وصولیاں کیں گئیں، آئیسکو نے گزشتہ 3 سال کے دوران 2 کھرب 32 ارب روپے صارفین سے ٹیکس وصول کیا۔ اس کے علاوہ لیسکو نے صارفین سے 3 سال میں 5 کھرب 32 ارب سے زائد ٹیکس وصولیاں کیں جبکہ گیپکو نے صارفین سے 3 سال میں دو کھرب 40 ارب روپے کی ٹیکس وصولیاں کیں۔ اسی طرح فیسکو نے تین سال میں 3 کھرب 7 ارب روپے ٹیکس کی مد میں صارفین سے وصول کیے جبکہ میپکو نے 3 سال میں 3 کھرب 23 ارب روپے اور پیسکو نے 3 سال میں ایک کھرب 51 ارب کی ٹیکس وصولیاں کیں۔ دستاویز کے مطابق ہیسکو نے صارفین سے 3 سال میں 57 ارب 58 کروڑ کا ٹیکس وصول کیا، کیسکو نے صارفین سے 3 سال میں 24 ارب 28 کروڑ کی ٹیکس وصولیاں کیں اور ٹیسکو نے صارفین سے 3 سال میں 1ارب 55 کروڑ اور سیپکو نے 34 ارب 46 کروڑ روپے کی ٹیکس وصولیاں کیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل