امریکی شہری کا غبارے ہوا میں اچھالنے کا ایک اور ریکارڈ

امریکا کے ایک سیریل ریکارڈ بریکر نے پانچ غباروں کو ایک منٹ سے زائد وقت تک اکیلے ہوا میں رکھ کر نیا گینیز ورلڈ ریکارڈ قائم کر دیا۔ ریاست آئیڈاہو سے تعلق رکھنے والے ڈیوڈ رش (جو ایک وقت میں سب سے زیادہ گنیز ورلڈ ریکارڈز رکھنے والے شخص ہیں) نے پانچ غبارے ہوا میں رکھنے کا سب سے طویل مدت کا ریکارڈ حاصل کرنے کی کوشش کی۔ اس سے قبل انہوں نے ٹیم آف ٹو (دو افراد کی ٹیم) ورژن میں 16 منٹ اور 25 سیکنڈ کا ریکارڈ قائم کیا تھا۔ ڈیوڈ رش کا اس متعلق کہنا تھا کہ غباروں کو ہوا میں رکھنا عام جگلنگ سے کہیں زیادہ پیچیدہ ہے۔ جگلنگ کی گیندوں کے برعکس (جن کا راستہ متوقع ہوتا ہے) غبارے بے ترتیب حرکت کرتے ہیں۔ وہ اِ اُدھر جاتے ہیں، ٹکراتے ہیں اور آپ کے پیچھے ایسے حرکت کرتے ہیں کہ پانچوں غباروں کو ایک ساتھ دیکھنا تقریباً ناممکن ہو جاتا ہے۔ رش نے بتایا کہ انہوں نے YMCA  میں 17 کوششیں کیں تاکہ گنیز ورلڈ ریکارڈ کا ہدف حاصل کر سکیں۔ آخرکار، انہوں نے 1 منٹ اور 14.89 سیکنڈ کے وقت کے ساتھ ریکارڈ اپنے نام کر لیا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل