صحت سے متعلق افواہوں کے بعد سلمان خان نے نئی تصاویر کے ساتھ مداحوں کا حال پوچھ لیا

بالی ووڈ کے سپر اسٹار سلمان خان نے اپنی صحت سے متعلق سوشل میڈیا پر گردش کرنے والی خبروں اور قیاس آرائیوں پر بالآخر خاموشی توڑتے ہوئے منفرد انداز میں مداحوں کو جواب دیا ہے۔ اداکار نے اپنے انسٹاگرام اکاؤنٹ پر بلیک اینڈ وائٹ تصاویر شیئر کیں، جن میں وہ سیاہ رنگ کے کیژول لباس اور کاؤ بوائے ہیٹ میں پُراعتماد اور پُرسکون انداز میں نظر آئے۔ تصاویر کے ساتھ انہوں نے مختصر مگر دلچسپ کیپشن تحریر کیا، ’آپ لوگوں کی طبیعت کیسی ہے؟‘، جسے مداحوں نے ان کی صحت سے متعلق خبروں پر مزاحیہ ردعمل قرار دیا۔         View this post on Instagram                       واضح رہے کہ چند روز قبل سلمان خان ایک افتتاحی تقریب میں شریک ہوئے تھے، جہاں سامنے آنے والی تصاویر اور ویڈیوز میں ان کی بدلی ہوئی جسمانی حالت نے مداحوں کی توجہ حاصل کر لی تھی۔ سوشل میڈیا پر کئی صارفین نے ان کی کمزور دکھائی دینے والی شخصیت پر تشویش کا اظہار کرتے ہوئے مختلف تبصرے کیے۔ بعض مداحوں کا کہنا تھا کہ سلمان خان پہلے کے مقابلے میں کمزور نظر آ رہے ہیں، جبکہ کچھ نے لکھا کہ وہ بیمار محسوس ہو رہے ہیں۔ چند صارفین نے عمر کے اثرات کا ذکر کرتے ہوئے کہا کہ ان کے پسندیدہ اداکار میں واضح تبدیلی نظر آ رہی ہے، جبکہ کچھ افراد نے ان کی صحت سے متعلق سوالات بھی اٹھائے۔ Salman Khan has aged. He is 60. Time never stops for anyone. No matter how iconic someone is, time eventually catches up. pic.twitter.com/UHvWgZjoMz — Pakchikpak Raja Babu (@HaramiParindey) July 19, 2026 سلمان خان نے ان تمام قیاس آرائیوں پر براہِ راست کوئی وضاحت دینے کے بجائے اپنی نئی تصاویر اور مختصر پیغام کے ذریعے مداحوں کو یہ تاثر دیا کہ وہ خیریت سے ہیں اور افواہوں کو زیادہ اہمیت نہیں دیتے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل