کراچی: نجی سپر اسٹور کے باہر گاڑی میں سوار خاتون سے ڈکیتی کی واردات، ویڈیو وائرل ہوگئی

ضلع شرقی کے علاقے دھوراجی کالونی میں نجی سپر اسٹور کے باہر گاڑی میں سوار خاتون سے ڈکیتی کی واردات پیش آئی، جہاں موٹرسائیکل سوار دو ڈاکو خاتون سے پرس اور موبائل فون چھین کر فرار ہوگئے۔ واردات کی ایک شہری کی جانب سے موبائل فون سے بنائی گئی ویڈیو سوشل میڈیا پر وائرل ہوگئی، جس میں ایک ملزم کا چہرہ واضح دکھائی دیتا ہے اور اسے باآسانی شناخت کیا جا سکتا ہے۔ ویڈیو میں واردات کے دوران بغیر ہیلمٹ مسلح ڈاکو عوام کو اسلحہ دکھا کر خوفزدہ کرتا ہوا بھی نظر آتا ہے۔ واردات کو دو روز گزرنے کے باوجود پولیس نہ تو مقدمہ درج کر سکی اور نہ ہی ملزمان کا سراغ لگا سکی۔ پولیس کا کہنا ہے کہ ملزمان کا سراغ لگانے کی کوشش کی جا رہی ہے اور انہیں جلد گرفتار کر لیا جائے گا، تاہم سوشل میڈیا پر وائرل ویڈیو کے بعد پولیس کو شدید تنقید کا سامنا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل