گوگل کا ستمبر اینڈرائیڈ ڈراپ جاری کرنے کا اعلان

ٹیکنالوجی کمپنی گوگل نے ستمبر کا اینڈرائیڈ ڈراپ جاری کرنے کا اعلان کر دیا ہے جس میں اینڈرائیڈ صارفین کے لیے پانچ نئے فیچرز شامل کیے گئے ہیں۔ تفصیلات کے مطابق جلد ہی صارفین جیمینائی سے پوچھ سکیں گے اہم چیزیں کہاں رکھی ہیں اور اس طرح ان کی لوکیشن گوگل کی فائنڈ ہب میں محفوظ ہو جائے گی جس سے صارفین کو یہ یاد رکھنے میں مدد ملے گی۔ یہ فیچر اینڈرائیڈ 16 اور اس کے بعد کے ورژنز کے لیے ان ممالک میں آ رہا ہے جہاں جیمینائی اور فائنڈ ہب دستیاب ہیں۔ دوسرا فیچر موشن اسِسٹ ہے، جو گاڑی میں سفر کے دوران موشن سِکنیس کم کرنے کے لیے اسکرین پر حرکت کرتے ہوئے بلبلے دکھائے گا۔ اسے کوئک سیٹنگز یا خودکار طور پر فعال کیا جا سکے گا۔ تاہم، یہ صرف اینڈرائیڈ 17 پر دستیاب ہوگا۔ گائیڈڈ ویژن کے ذریعے جیمینائی لائیو آپ کے کیمرے کی مدد سے باریک تحریر پڑھنے، کم روشنی میں مینو سمجھنے یا کسی چیز کی شناخت کرنے میں مدد کرے گا۔ ضرورت پڑنے پر یہ آپ کو وائس فِیڈ بیک کے ذریعے کیمرہ درست جگہ رکھنے کی ہدایت بھی دے گا۔ یہ اینڈرائیڈ 9 اور اس کے بعد کے ورژنز پر آ رہا ہے۔ گوگل میسجز میں اب گوگل کِیپ کی گراسری لِسٹ اور نوٹس براہِ راست چیٹ میں شیئر اور ایڈٹ کیے جا سکیں گے۔ اس کے علاوہ ہر چیٹ کے لیے الگ وال پیپر اور کلر تھِیم بھی منتخب کی جا سکتی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل