Tuesday, November 17, 2026
 

رونالڈو کا پراسرار اشارہ، مداح اشارے کی حقیقت جاننے کیلیے بے تاب

 



پرتگال کے عالمی شہرت یافتہ فٹبالر کرسٹیانو رونالڈو نے سوشل میڈیا پر ایک پراسرار اشارہ شیئر کرکے مداحوں کو ایک بار پھر تجسس میں مبتلا کردیا ہے۔ 41 سالہ النصر کے اسٹار کھلاڑی نے انسٹاگرام پر ایک ویڈیو پوسٹ کی جس میں وہ مسکراتے ہوئے انگلیوں سے ایک منفرد اشارہ کرتے دکھائی دیے۔ انہوں نے مداحوں سے سوال کیا کہ کیا وہ اب تک اس اشارے کا مطلب سمجھ پائے ہیں؟ Have you figured it out yet? ???? pic.twitter.com/BPrT83GDAb — Cristiano Ronaldo (@Cristiano) November 16, 2026 رونالڈو اس سے قبل بھی النصر کی کامیابیوں اور اپنے گولز کے بعد یہی اشارہ کرچکے ہیں۔ سوشل میڈیا صارفین کے مطابق یہ اشارہ ممکنہ طور پر رومن ہندسوں میں ایک ہزار کی علامت انگریزی حرف ’ایم‘ سے متعلق ہوسکتا ہے جبکہ بعض مداح اسے ان کے بیٹے میٹیو سے بھی جوڑ رہے ہیں۔ دلچسپ بات یہ ہے کہ رونالڈو کے کیریئر کے مجموعی گولز کی تعداد 985 ہوچکی ہے اور وہ تاریخی 1000 گولز کے سنگ میل سے صرف 15 گول دور ہیں۔ تاہم رونالڈو یا النصر کلب کی جانب سے اس اشارے کی حقیقت واضح نہیں کی گئی۔ بین الاقوامی فٹبال سے ریٹائرمنٹ کے بعد رونالڈو اب مکمل توجہ کلب فٹبال پر مرکوز کیے ہوئے ہیں۔ مداحوں کو انتظار ہے کہ آیا ان کا پراسرار اشارہ واقعی 1000 گولز کے ہدف کی جانب اشارہ ہے یا اس کے پیچھے کوئی اور کہانی چھپی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل