اللو ارجن کے گھر پر حملہ کرنے والے 6 افراد کو ضمانت مل گئی

مشہور تلگو اداکار اور پشپا اسٹار الو ارجن کے گھر پر اتوار کی شام کو حملہ کرنے والے افراد کو ضمانت مل گئی۔ اداکار کے گھر کے باہر احتجاج کرنے والوں نے ہاتھوں میں پلے کارڈز بھی اُٹھا رکھے تھے اور الو ارجن کے خلادف نعرے بازی کر رہے تھے، حملہ آوروں نے ایک کروڑ روپے معاوضے کا مطالبہ کیا تھا ان کا کہنا تھا کہ یہ رقم اس خاتون کے اہلخانہ کو دیا جائے جو فلم ’پشپا 2‘ کے پریمئیر کے دوران سینڈھیا تھیٹر میں بھگدڑ کے باعث جاں بحق ہو گئی تھی۔ حیدرآباد پولیس نے فوری کارروائی کرتے ہوئے موقع پر پہنچ کر آٹھ افراد کو گرفتار کر لیا تھا تاہم اب ان میں سے 6 کو عدالت سے ضمانت مل گئی ہے جبکہ 2 زیر حراست ہیں۔ واضح رہے کہ مذکورہ حملہ آور الو ارجن کے گھر میں زبردستی داخل ہونے کی کوشش کر رہے تھے۔ انہوں نے گھر کے احاطے میں رکھے گملے توڑ دیے پتھر سے گھر پر وار کیے اور ٹماٹر بھی پھینکے۔ واقعے سے کچھ دیر قبل الو ارجن نے اپنے سوشل میڈیا اکاؤنٹ پر اپنے مداحوں سے درخواست کی تھی کہ وہ جذبات کا اظہار ذمے داری کے ساتھ کریں اور کسی قسم کی بدتمیزی یا گالی گلوچ سے گریز کریں۔ الو ارجن نے پہلے ہی اعلان کیا تھا کہ وہ جاں بحق ہونے والی خاتون کے اہل خانہ کو 25 لاکھ روپے کا معاوضہ دیں گے اور زخمیوں کے علاج کے اخراجات بھی خود اٹھائیں گے۔ یاد رہے کہ سنیما کے باہر پیش آنے والے واقعے کے بعد حیدرآباد پولیس نے الو ارجن کو گرفتار کرلیا تھا جس کے بعد وہ 50 ہزار بھارتی روپے کے مچلکے جمع کر کے ضمانت پر رہا ہوئے تھے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل